Dies de suferenzia
passend´in sa marina
dae Santa Caderina
pro sa pigada.
Dae Cuglieri s´alzada
sa de´es de rigore¸
nie e astraore
e bentu forte.
Nd´amus a punt´e morte¸
callentura e langore¸
e sos pes in dolore
pro su caminu.
Su logu marmorinu
paret¸ est biaitu¸
ispintos dae su fritu¸
malos momentos.
Sos galanos cumbentos
bidimus cun su fumu¸
ma sos passos che prumu
sunt ingraidos.
Malaidos e famidos
chi nos ana sighidu¸
mai die bon´ant bidu
in vida insoro.
Pregant cun bonu coro
pro s´uman´assistenzia¸
divina providenzia
b´at a pensare.
Totus a s´arrivare
aperini sa janna¸
cun bonidade manna
dogni persone.
|
Car´a su fogulone
nos dant su corriolu¸
corrias de lentolu
pro sos feridos.
Che semus consumidos
cale martires Santos¸
s´intendene sos cantos¸
faghen cunzertu.
Si movet custu chertu¸
sos meres de su logu:
brincant a lugh´e fogu¸
sos Cotzulados.
De peddes tramudados¸
de igu e de murone¸
de craba e de matzone¸
biancos che lizos.
Cun d´unu corru in chizos
Presu a pedde crua¸
e sa garriga sua
denant´ e a pala.
Bessin dae dogn´ala
cun cotzulas ligadas¸
andan´a iscutuladas
a mod´insoro.
Terra chi paret oro
giughene pro caratza¸
parent atera ratza
in custu ballu.
Tue Frade Vassallu
cun boghe addasiada
E cun sa manu alzada
Dae sa sentenzia.
|
\
